U Barysavie maci ledź nie patanuła na vačach traich dziaciej
Trahiedyja ledź nie zdaryłasia ŭčora.
Kala 15:50 na abstalavanym plažy raki Biarezina 42‑hadovaja žančyna razam z tryma dziećmi (2016, 2019 i 2021 hadoŭ naradžeńnia) zapłyła za bujki. Na adlehłaści kala vosiem mietraŭ ad bieraha, dzie hłybinia dasiahaje 2 mietraŭ, žančyna adčuła niedamahańnie. Jana pačała tanuć i klikać na dapamohu, paviedamlaje Tavarystva vyratavańnia na vodach.
Dzieci znachodzilisia pobač ź joj, na ich byli nadzietyja vyratavalnyja kamizelki.
Kryki ab dapamozie pačuli dziažurnyja vyratavalnaha pasta «Dubki». U 15:55 matros-vyratavalnik i staršy matros-vyratavalnik apieratyŭna nakiravalisia na matornaj łodcy da miesca zdareńnia.
Vyratavalniki chutka dastali z vady maci i traich dziaciej i dastavili ich na bierah. Miedycynskaja dapamoha vyratavanym nie spatrebiłasia.