Darafiejeva zachaplajecca Hrecyjaj, a Lebiedzieva łaščyć kapibar u Tajłandzie. Dzie adpačyvajuć łukašenkaŭskija zorki?

Hieahrafija samaja raznastajnaja — i Azierbajdžan, i Turcyja, i Vjetnam.

Iryna Darafiejeva. Fota tut i dalej: sacsietki

Śpiavačka Iryna Darafiejeva palacieła adpačyvać u Hrecyju. Pačała z vostrava Korfu — ale toj padaŭsia artystcy nadta šumnym. Tamu jana vyrašyła praciahnuć vodpusk na macierykovaj častcy krainy.

Ad Ianičnaha mora śpiavačka zastałasia ŭ zachapleńni.

Iryna Darafiejeva

Prapahandystka Ksienija Lebiedzieva sa svaim trecim mužam u mai palacieła ŭ Tajłand na vostraŭ Samui. Šlach da adpačynku byŭ doŭhim — 15 hadzin i try pierasadki.

Ksienija Lebiedzieva z mužam

Lebiedzieva spłanavała vandroŭku tak, kab jašče byŭ čas pahulać u Banhkoku. Ździŭlałasia, što adzinaja tablička na ruskaj movie, jakuju jana pabačyła ŭ parku Lumpini, była: «Drony padymać zabaroniena».

Na samim vostravie Ksienija z mužam pajšli bližej znajomicca z kapibarami dy ciskać surykata.

Ksienija Lebiedzieva

Prydvorny kampazitar Jaŭhien Alejnik z žonkaj, śpiavačkaj Aŭraj, i dziećmi pajechaŭ u Baku. Spyniłasia siamja ŭ čatyrochzorkavym hateli Ramada by Wyndham Baku.

Jaŭhien Alejnik z žonkaj Julijaj Bykavaj (śpiavačka Aŭra) i dziećmi

Maładaja śpiavačka Hanna Trubiackaja aktyŭna pracuje na dźvie krainy: u Biełarusi jana častaja ŭdzielnica praŭładnych mierapryjemstvaŭ, a ŭ Rasii z entuzijazmam śpiavaje na z-kancertach.

Hanna Trubiackaja

Adpačyvać artystka palacieła ŭ nataŭskuju Turcyju. Vybrała šykoŭny piacizorkavy hatel Voyage Kundu. Svoj adpačynak Hanna acaniła tak: «Pryhožyja krajavidy 10/10. Mora — 10/10. Ježa… Vybačajcie, ale Maskva i Minsk zanadta mocna zavysili standarty…».

Darja Račko, samaja maładaja zorka biełaruskaj prapahandy, jakaja niadaŭna ŭziałasia za prajekt «U paniadziełak dojdzie da Łukašenki», u kancy lutaha tusiła ŭ Dubai.

Darja Račko

Ale tady jaje adpačynak byŭ krychu sapsavany: jakraz tady krainu atakavali iranskija bieśpiłotniki.

A voś letam Darja palacieła adpačyć u Vjetnam.

Kamientary da artykuła