«Ja — zdradnik radzimy». Minčuk pieravioŭ za miažu hrošy svajoj maci i pradaŭ aŭtamabil
68‑hadovamu mužčynu patelefanavaŭ nieznajomiec, jaki pradstaviŭsia śledčym i abvinavaciŭ piensijaniera ŭ zdradzie radzimie.
Nibyta pažyły mužčyna pradyktavaŭ kod z SMS-paviedamleńnia i takim čynam daŭ machlaram dostup da svaich rachunkaŭ. A tyja ŭžo pieraviali hrošy na finansavańnie teraryzmu, paviedamlaje «Milicyja Minska»
Kab dakazać svaju nievinavataść, mužčyna pahadziŭsia vykonvać instrukcyi nieznajomca.
Spačatku jon uziaŭ źbieražeńni svajoj maci i praz bank pieravioŭ ich za miažu. Jon dumaŭ, što takim čynam dekłaruje vialikuju sumu.
Praź niekalki dzion piensijanieru znoŭ patelefanavali i prapanavali «dapamahčy śledstvu» ŭ vykryćci machlaroŭ. Dla hetaha jon pradaŭ svoj luksavy aŭtamabil ź vialikaj źnižkaj i pakinuŭ atrymanyja 15 tysiač dalaraŭ u tajniku pad kantejnieram dla śmiećcia.
Paśla hetaha jon znoŭ pajšoŭ u bank i pieravioŭ na roznyja rachunki jašče vosiem tysiač rubloŭ.
Uvieś hety čas piensijanier vieryŭ, što jamu viernuć i hrošy, i aŭtamabil. Ale kali machlary pierastali vychodzić na suviaź, jon raspavioŭ pra zdareńnie synu i źviarnuŭsia ŭ milicyju.