Niepahadź pakinuła bieź śviatła 438 nasielenych punktaŭ
Najbolš składanaja situacyja — u Minskaj, Viciebskaj, Hrodzienskaj i Homielskaj abłaściach, a ŭ Vilejskim rajonie niepahadź zakranuła 172 vioski.
U Biełarusi adnaŭlenčyja raboty viaduć 180 bryhad. Navalničny front i škvalisty viecier vyklikali prablemy z elektryčnaściu ŭ šerahu rehijonaŭ krainy, paviedamiła Minenierha.
Parušeńni elektrazabieśpiačeńnia zafiksavanyja ŭ 438 nasielenych punktach. Najbolš składanaja situacyja — u Minskaj, Viciebskaj, Hrodzienskaj i Homielskaj abłaściach.
U Minskaj vobłaści časova zastalisia bieź śviatła 295 nasielenych punktaŭ. Paškodžańni ŭ asnoŭnym zakranuli raźmierkavalnyja sietki 10 kV — adklučanyja 95 linij elektrapieradačy.
Dla ŭzmacnieńnia dziejučych bryhad u Minskuju vobłaść nakiravany dadatkovyja siły z Bresckaj, Mahiloŭskaj i Viciebskaj abłaściej.
Najbolš składanaja abstanoŭka zachoŭvajecca ŭ Vilejskim rajonie, dzie niepahadź zakranuła 172 nasielenyja punkty.
Paškodžany 20 linij elektrapieradačy 10 kV, jość paškodžańni apor i masavyja padzieńni dreŭ.
U rajonie pracujuć bolš za 20 avaryjna-adnaŭlenčych bryhad, dadatkova prybyvajuć śpiecyjalisty ź inšych rehijonaŭ.