«Ab hety tramplin možna zabivacca kožny dzień». Viadomy trenier zahinuŭ na viełatreniroŭcy praź niečakanuju pieraškodu
Taćciana Hajduk raskazała Onlíner pra abstaviny trahičnaj hibieli svajho baćki, zasłužanaha treniera BSSR pa akademičnym viesłavańni Valeryja Hajduka. Jon zahinuŭ u vyniku zdareńnia padčas viełasipiednaj treniroŭki ŭ rajonie Cny pad Minskam.
Heta adbyłosia 31 lipienia.
— Tata rychtavaŭsia ŭdzielničać u Chatynskim viełamarafonie i napiaredadni ranicaj, da śpioki, pajechaŭ na treniroŭku. Jon jeździŭ u cnianskim lesie pa znajomaj ściežcy. Ujazdžaŭ u les zaŭsiody ŭ adnym i tym ža miescy. Tam adrazu horka ŭniz: jon jaje viedaŭ i dobra adpracavaŭ hety spusk — jon sam raskazvaŭ, — kaža Taćciana. — Ale ŭ toj dzień tam raptoŭna źjaviłasia štučna stvoranaja horačka amal na ŭsiu šyryniu darohi, pobač — dźvie jamy, adkul brali ziamlu dla hetaj horki. Kali iści, a tym bolš jechać z hetaj horki ŭniz, to praź śviatłacień ad dreŭ hetaha tramplina na darožcy nie bačna zusim.
Na miescy zdareńnia zastalisia ślady tarmažeńnia ad viełasipiednych kołaŭ.
— Jašče raz adznaču: tata jechaŭ pa dobra znajomaj darozie. I tut hety tramplin — na im zastaŭsia śled, potym jašče adzin, ad piaredniaha koła. Jašče mietraŭ 7—8, miarkujučy pa miescy, jon sprabavaŭ viarnuć kiravańnie, ale ŭrezaŭsia ŭ dreva. Tata byŭ u šlemie, ale, miarkujučy pa papiarednich vysnovach sudmiedekśpierta, śmierć nastupiła adrazu.
Ahučanaja aficyjna pryčyna śmierci — tupaja traŭma šyjnych pazvankoŭ.
19 žniŭnia Valeryju Piatroviču Hajduku spoŭniłasia b 74 hady.
— Jon — zasłužany trenier BSSR pa akademičnym viesłavańni i niepasredna ŭdzielničaŭ u padrychtoŭcy Kaciaryny Chadatovič (Karsten) da Alimpijady 1996 hoda (załaty miedal), a taksama ekipaža žanočaj vaśmiorki, jaki zavajavaŭ bronzu, i inšych spartsmienaŭ, jakija zaraz nosiać zvańni zasłužanych majstroŭ sportu, a mnohija i zaraz vystupajuć u finałach čempijanatu Jeŭropy, — dadała Taćciana.
Zastajecca niajasnym, što heta za tramplin źjaviŭsia na lasnoj ściežcy, chto i dla čaho jaho stvaryŭ.
— Tam chodzić šmat ludziej, šmat sabačnikaŭ, tam katajucca na viełasipiedach. Ab hety tramplin možna zabivacca kožny dzień. Jak tak vyjšła, što ŭ ludnym miescy akazalisia vykapanyja hetyja dźvie jamy, nasypana i ŭtrambavana heta horačka? — zadajecca pytańniem dačka zahinułaha viełasipiedysta.