U rasijskim sudzie biełarus niecenzurna nazvaŭ supracoŭnika FSB «tupym, nieraźvitym čałaviekam». A paśla dakazvaŭ, što heta jon pra siabie
Ale Uładzisłavu Ałašejevu nie pavieryli.
Biełarus Uładzisłaŭ Ałašejeŭ atrymaŭ u Rasii novuju kryminalnuju spravu na pustym miescy.
Ałašejeŭ užo dvojčy siadzieŭ u Rasii — za chulihanstva (2,5 hoda) i za kradziež aŭtamabila (1 hod 8 miesiacaŭ). Paśla hetaha jaho departavali, ale biełarus ciškom viarnuŭsia. U vyniku atrymaŭ kryminałku za niezakonnaje pierasiačeńnie miažy.
Na sudovym pasiadžeńni ŭ Archanhielsku, jakuju mieru strymańnia abrać biełarusu. Supracoŭnik FSB paprasiŭ trymać Ałašejeva pad vartaj.
I biełarus nie strymaŭsia. Jon nazvaŭ supracoŭnika FSB słovami, jakija mieli značeńnie «tupy, nieraźvity, niekiemlivy čałaviek» i ŭtrymlivali tabujavanuju leksiku.
Tady zaviali jašče adnu spravu — za niepavahu da suda.
Svaju vinu biełarus nie pryznaŭ: jon śćviardžaŭ, što skazaŭ heta ad emocyj i adrasavaŭ abraźlivaje słova samomu sabie.
Adnak sud hetyja dovady adchiliŭ. U vyniku Ałašejeŭ atrymaŭ 320 hadzin abaviazkovych rabot.