Kolkaść achviar DTZ u Śvietłahorskim rajonie pavialičyłasia da 4-ch. Pamierła jašče adno dzicia
5 žniŭnia kala 15:00 na 18‑m kiłamietry aŭtadarohi N-5011 «Śvietłahorsk — Sasnovy Bor — Paleśsie» 46‑hadovy kiroŭca aŭtamabila Mazda nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia ź bienzavozam MAZ, jaki ruchaŭsia nasustrač. Na miescy zahinuli try čałavieki, ale paśla kolkaść achviar jašče pavialičyłasia, paviedamiŭ Śledčy kamitet.
Skrynšot ź videa
Na miescy avaryi zahinuli kiroŭca lehkavoha aŭtamabila, jaho 11‑hadovaja dačka i 78‑hadovaja ciešča. Jašče dvuch pasažyraŭ — 51‑hadovuju žonku kiroŭcy i jaje 8‑hadovaha plamieńnika — dastavili ŭ balnicu.
Adnak, niahledziačy na namahańni miedykaŭ, dzicia pamierła.
Pa fakcie zdareńnia zaviali kryminalnuju spravu pavodle častki 3 artykuła 317 Kryminalnaha kodeksa Biełarusi — za parušeńnie pravił darožnaha ruchu abo ekspłuatacyi transpartnych srodkaŭ, jakoje pa nieaściarožnaści paciahnuła śmierć dvuch i bolš asob.
Čytajcie taksama:
U Śvietłahorskim rajonie try čałavieki zahinuli paśla sutyknieńnia lehkavika ź bienzavozam