U minskaj balnicy apieryrujuć pacyjentaŭ pa-novamu

U 4‑j haradskoj kliničnaj balnicy Minska ŭkaranili novyja padychody da chirurhičnaha lačeńnia zachvorvańniaŭ nyrak i močavyvodziačych šlachoŭ. Dziakujučy sučasnamu łaziernamu chirurhičnamu kompleksu apieracyi stali mienš traŭmatyčnymi, a terminy adnaŭleńnia pacyjentaŭ istotna skaracilisia, paviedamlaje telekanał ANT.

Zdymak ilustracyjny

Kali jašče kala 15 hadoŭ tamu bolšaść urałahičnych zachvorvańniaŭ lačyli adkrytymi apieracyjami, paśla jakich pacyjenty znachodzilisia ŭ stacyjanary nie mienš za 12—14 dzion, to ciapier amal usie hetyja mietodyki zamienienyja małainvaziŭnymi ŭmiašańniami.

Jak adznačyŭ hałoŭny doktar balnicy Uładzimir Sirenka, siońnia siaredni termin znachodžańnia pacyjenta ŭ stacyjanary paśla takich apieracyj składaje ŭsiaho ad čatyroch da siami dzion. Heta dazvalaje ludziam značna chutčej viartacca da zvyčajnaha žyćcia.

Miedyki padkreślivajuć, što pośpiech lačeńnia zaležyć nie tolki ad sučasnaha abstalavańnia i prafiesijanalizmu ŭračoŭ, ale i ad samich pacyjentaŭ. Jany zaklikajuć nie adkładvać vizit da śpiecyjalista, bo svoječasova vyjaŭlenaje zachvorvańnie značna pavyšaje šancy na chutkaje i paśpiachovaje vyzdaraŭleńnie.

Kamientary da artykuła