Siarhiej z Chojnikaŭ naźbiraŭ daŭhoŭ pa alimientach na radzimie i pajechaŭ šturmavać Vaŭčansk. Ale hrabavyja zabiare druhaja žonka — rasijskaja
Stała viadoma pra jašče adnaho džentlmiena ŭdačy rodam ź Biełarusi, likvidavanaha siłami abarony Ukrainy.
Siarhiej Bandarenka. Fota: Ok.ru
53‑hadovy Siarhiej Bandarenka naradziŭsia ŭ vioscy Sudkova Chojnickaha rajona. Zapomniŭsia tolki doŭhaj historyjaj uciokaŭ ad alimientaŭ: pavodle Belpol, jaho čatyry razy sudzili za ŭchileńnie ad abaviazkovych vypłataŭ na dačku 2000 hoda naradžeńnia.
Z žonkaj jon, naturalna, raźvioŭsia. A ad alimientaŭ uciok u Rasiju, kab biełaruskim vykanaŭcam i padatkovaj nie byli bačnyja jaho zarobki.
U vyniku niejak tak skłaŭsia jahony los, što Bandarenka pajechaŭ vajavać va Ukrainu. 11 sakavika 2025 hoda jon bieź śladoŭ źnik u šturmie pad Vaŭčanskam.
Ciapier hrabavyja za jaho sprabuje atrymać jahonaja druhaja žonka, rasijanka.