Vyniesieny zavočny prysud Siarhieju Michałku
Minski haradski sud vynies zavočny prysud viadomamu muzykantu i lidaru hurtoŭ «Lapis Trubiackoj» i Brutto Siarhieju Michałku. Jaho vinavacili ŭ źniavazie da Łukašenki i raspalvańni varožaści.
Siarhiej Michałok. Fota: lyapis98
Michałka asudzili da 4 hadoŭ pazbaŭleńnia voli ŭ kałonii ahulnaha režymu pa abvinavačvańni ŭ raspalvańni sacyjalnaj varožaści i źniavazie Alaksandra Łukašenki.
Prysud pakul nie nabyŭ zakonnuju siłu i moža być abskardžany.
Pa viersii prakuratury, padstavaj dla kryminalnaj spravy stali publikacyi na aficyjnych staronkach prajekta Brutto ŭ sacyjalnych sietkach i na YouTube za 2021—2022 hady.
Muzykantu pastavili ŭ vinu raźmiaščeńnie videarolikaŭ ź niehatyŭnaj acenkaj Łukašenki, a taksama zvaroty sakavika 2022 hoda z krytykaj rasijskich i biełaruskich siłavikoŭ dy vajskoŭcaŭ paśla pačatku poŭnamaštabnaha ŭvarvańnia RF va Ukrainu.