U Lubanskim rajonie mužčyna patanuŭ na krejdavym karjery
U noč z 1 na 2 žniŭnia ŭ Lubanskim rajonie adbyłasia trahiedyja na adnym z krejdavych karjeraŭ, jaki apošnim časam staŭ nieaficyjnym miescam adpačynku dla miascovych žycharoŭ i haściej rajona, piša miascovaja rajonka «Hołas Lubanščyny».
Zdymak ilustracyjny. Fota: «Anłajnier»
Kampanija maładych ludziej adpačyvała kala vadajoma. Pryblizna apoŭnačy jany vyrašyli vykupacca abo papłavać na hłybini.
Adzin z mužčyn zajšoŭ u vadu i nazad nie vyjšaŭ. Siabry bačyli, jak jon pajšoŭ pad vadu. Adzin ź ich sprabavaŭ nyrnuć i dapamahčy, adnak vialikaja hłybinia karjera i ciemra nie dazvolili znajści čałavieka.
Vidavočcy adrazu paviedamili pra zdareńnie ŭ MNS. Adnak u takich umovach pošuki byli vielmi składanymi. Pošukavyja raboty z udziełam vadałazaŭ byli praciahnutyja ranicaj.
Papiarednie viadoma, što kampanija ŭžyvała ałkahol. Sam karjer nie abstalavany dla biaśpiečnaha kupańnia: tam niama spadzistaha zachodu ŭ vadu, a vialikaja hłybinia pačynajecca praktyčna adrazu kala bieraha.
Zahinuły mužčyna 1999 hoda naradžeńnia byŭ žycharom Staŭbcoŭskaha rajona.
Čytajcie taksama:
Biełarus patanuŭ u Śvisłačy, zajšoŭšy ŭ vadu pa kalena
Žančyna sprabavała pierapłyści Pcič u Minskim rajonie, ale nie dała rady
15‑hadovy padletak patanuŭ pad Homielem
Pad Połackam mužčyna patanuŭ padčas katańnia na matornaj łodcy