Biełarus Zalivaka paprasiŭ u rasijskaj palicyi dapamohi. Ale ŭ vyniku paškadavaŭ
Mužčyna zapeŭnivaŭ, što jaho hvałtam utrymlivajuć u kafe. Siłaviki pryjechali, ale zaadno pravieryli jaho dakumienty.
Fota: commons.wikimedia.org by DonSimon is licensed under Creative Commons CC0 1.0 Universal Public Domain Dedication
Hramadzianina Biełarusi Alaksandra Zalivaku departavali z Rasii paśla taho, jak jon sam pazvaniŭ u palicyju, choć i byŭ u krainie nielehalna.
Zalivaka pryjechaŭ u Rasiju jašče ŭ 2020 hodzie, dy tam i zastaŭsia. U 2024‑m jaho zaniesła ŭ Kałmykiju, u kafe «Bajrta» na 41‑m kiłamietry aŭtadarohi R-22 «Kaśpij» (Vałhahrad — Elista). Mienavita adtul biełarus pazvaniŭ u palicyju, kab paviedamić, što jaho ŭtrymlivajuć hvałtam.
Siłaviki pryjechali, paličyli zvanok zaviedama chłuślivym, ale zaadno pravieryli dakumienty Zalivaki. Vynik — štraf za parušeńnie režymu znachodžańnia ŭ Rasii i departacyja.