U čaćvier moža być +40, a sinoptyki vypisali adrazu dva ŭzroŭni niebiaśpieki: čyrvony i aranžavy

Što čakajecca?

AP Photo Christophe Ena

Unačy i ranicaj 4 žniŭnia pa zachadzie krainy čakajucca navalnicy, miescami padčas navalnic — mocnyja zalevy i škvalistaje ŭzmacnieńnie vietru z paryvami 15—20 m/s, tamu vypisany aranžavy ŭzrovień mietearałahičnaj niebiaśpieki.

A voś z-za śpioki na try nastupnyja dni (aŭtorak — čaćvier) vyniesienyja čyrvonyja ŭzroŭni niebiaśpieki.

U aŭtorak na poŭdni krainy budzie da +35…+36°S. U sieradu na bolšaj častcy terytoryi krainy maksimalnaja tempieratura pavietra dasiahnie +30…+34°S, miescami, a na poŭdni ŭ mnohich rajonach — +35…+38°S.

Dniom 6 žniŭnia ŭ čaćvier u mnohich rajonach maksimalnaja tempieratura pavietra dasiahnie +35…+40°S.

U Biełarusi isnuje čatyry ŭzroŭni niebiaśpieki mietearałahičnych źjavaŭ: zialony (ich poŭnaja adsutnaść, ni daždžoŭ, ni značnych viatroŭ), žoŭty (kali isnujuć nievialikija, ale niaznačnyja pahrozy — pavyšeńnie (zimoj — panižeńnie) tempieratury, aranžavy (istotnaje pavyšeńnie tempieratury i zalevy) i apošni čyrvony. Heta kali moža być za 35 hradusaŭ śpioki.

29 červienia ŭ Biełarusi byŭ zafiksavany absalutny rekord śpioki za ŭsie 145 hadoŭ nazirańniaŭ. U Pinsku miesiac tamu było +40,4°S.

Kamientary da artykuła