Džaan Roŭlinh dasłała knihu z aŭtohrafam ukrainskamu vajskoŭcu, jaki ŭ pałonie pierakazvaŭ inšym «Hary Potera»
Marski piechaciniec Alaksandr Ivanoŭ — abaronca Maryupala. Jon čatyry hady pravioŭ u rasijskim pałonie i byŭ vyzvaleny ŭ mai 2026 hoda. U pałonie jon šeptam pierakazvaŭ pabracimam usie siem knih pra Hary Potera.
Alaksandr Ivanoŭ z knihaj i listom ad Roŭlinh. Fota tut i dalej: UkraineWOW / Facebook
Hramadskaja arhanizacyja Ukraine WOW napisała pra hetu historyju Džaan Roŭlinh.
Taja adkazała. Piśmieńnica dasłała vajskoŭcu knihu (pieršuju častku Hary Potera) sa svaim podpisam i asabisty zvarot sa słovami padtrymki. Adbyłosia heta ŭ dzień naradžeńnia Hary Potera i Džaan Roŭlinh — 31 lipienia.
«Ja čuła, što vy vialiki prychilnik Hary Potera i što hetyja historyi stali dla vas krynicaj padtrymki padčas znachodžańnia ŭ rasijskim pałonie. Ja vielmi rada daviedacca, što vas vyzvalili i vy viarnulisia dadomu, va Ukrainu. Ad usiaho serca zyču vam doŭhaha i ščaślivaha žyćcia», — napisała Roŭlinh.