Jak Hrodna prychodzić u prytomnaść paśla subotniaha patopu FOTY
Učorašni viečar pieratvaryŭsia dla Hrodna ŭ sapraŭdnaje vyprabavańnie stychijaj. Mocny livień za ličanyja chviliny pieratvaryŭ centralnyja vulicy ŭ burlivyja reki.
Patoki vady zatapili klučavyja mahistrali, padziemnyja piešachodnyja pierachody i cokalnyja pavierchi kafe dy restaranaŭ u centry horada. Škvalisty viecier valiŭ drevy, jakija abryvali linii elektrapieradačy i błakavali ruch, a ŭ niekatorych miescach vada navat razmyła asfalt.
Kamunalniki i ratavalniki MNS pracavali ŭsiu noč: kačali vadu, prybirali pavalenyja drevy i adnaŭlali prajezd dla hramadskaha transpartu.
Siońnia na vulicy vyviedziena ŭsia śpiectechnika dla rasčystki daroh ad brudu i łakalnaha ramontu paškodžanych učastkaŭ, piša «Hrodzienskaja praŭda».