Sotni ahieńčykaŭ na vadzie. Jak u Minsku prajšoŭ pieršy viečar fiestyvalu vodnych lichtarykaŭ
Uviečary ŭ piatnicu ŭ Centralnym bataničnym sadzie ŭpieršyniu prajšoŭ fiestyval vodnych lichtarykaŭ. Jašče da pačatku asnoŭnaj prahramy bierahi voziera zapoŭnili sotni hledačoŭ, a z nadychodam ciemry vodnaja hładź pastupova pakryłasia dziasiatkami śviatlivych łotasaŭ i papiarovych lichtarykaŭ.
Haściej čakali kancert, śvietłavyja instalacyi, łaziernaje šou i vialiki śviatlivy Miesiac nad vozieram. Hałoŭnaj padziejaj viečara staŭ masavy zapusk vodnych lichtarykaŭ — mienavita dziela hetaha mnohija zajmali miescy kala vady zadoŭha da pačatku mierapryjemstva, piša Onliner.by.
Fiestyval praciahniecca siońnia i zaŭtra. Arhanizatary abiacajuć tuju ž prahramu i nahadvajuć, što paśla zaviaršeńnia kožnaha viečara ŭsie lichtaryki prybirajuć z pavierchni vadajoma.