Cieły biełaruskich turystaŭ, jakija zahinuli ŭ Batumi, dastavili ŭ Biełaruś
Pra dastaŭku ciełaŭ dvuch biełaruskich turystaŭ, jakija zahinuli ŭ aŭtamabilnaj katastrofie ŭ hruzinskim Batumi, paviedamiła pasolstva Biełarusi ŭ Hruzii.
Zahinułaja ŭ Batumi Alena Sachackaja (Vałašenka). Fota: fejsbuk
Usie biełarusy, jakija paciarpieli ŭ toj avaryi i znachodzilisia ŭ balnicy Batumi, užo vypisanyja. Piaciora ź ich viarnulisia ŭ Biełaruś, dzie prajšli dadatkovaje miedycynskaje abśledavańnie. U pasolstvie adznačyli, što Ministerstva achovy zdaroŭja Biełarusi akazała paciarpiełym nieabchodnuju dapamohu.
Jašče troje hramadzian Biełarusi pakul zastajucca ŭ balnicy ŭ Tbilisi, ale čakajecca, što nieŭzabavie jany taksama viernucca na radzimu.
Avaryja adbyłasia ranicaj 25 lipienia ŭ Batumi. U vyniku sutyknieńnia zahinuli dvoje biełaruskich turystaŭ — 42‑hadovaja Alena Sachackaja i 63‑hadovy Ihar. Jašče 12 čałaviek atrymali traŭmy roznaj stupieni ciažkaści i byli dastaŭlenyja ŭ miedycynskija ŭstanovy.
Biełarusy jechali ŭ mikraaŭtobusie z aeraporta ŭ hatel, kali jon sutyknuŭsia ź lehkavym aŭtamabilem. Pavodle infarmacyi Ministerstva ŭnutranych spraŭ Hruzii, kiroŭca lehkavika byŭ u stanie ałkaholnaha apjanieńnia, nie mieŭ paśviedčańnia kiroŭcy i jechaŭ z vysokaj chutkaściu.
Čytajcie taksama:
U Batumi trapiŭ u avaryju mikraaŭtobus ź biełarusami. Dva čałavieki zahinuli
U avaryi ŭ Batumi zahinuli dvoje biełaruskich turystaŭ — 43‑hadovaja žančyna i 63‑hadovy mužčyna
Paciarpiełuju ŭ DTZ u Batumi biełarusku praapieravali, jana ŭžo doma