Zialenski nazvaŭ ličby ŭkrainskich strat na vajnie

«Taksama jość vialikaja kolkaść tych, chto ličycca źnikłym bieź viestak», — zajaviŭ prezident Ukrainy.

Mohiłki palehłych ukrainskich sałdat la Kijeva. Fota: Evgeniy Maloletka / AP

Prezident Ukrainy ahučyŭ kolkaść ukrainskich strat u vajnie: kala 50 tysiač zahinułych i 400 tysiač paranienych. Pra heta jon zajaviŭ u intervju viadučamu telekanała Fox News Bretu Bajeru, piša «Ukrainskaja praŭda».

«Vybačajcie, ale, ščyra kažučy, ja nie chaču być zanadta adkrytym u hetym pytańni, bo rasijanie zrazumiejuć, što adbyvajecca z našym vojskam. Takim čynam, u nas kala 50 tysiač zahinułych vajskoŭcaŭ i kala 400 tysiač paranienych. Taksama jość vialikaja kolkaść tych, chto ličycca źnikłym bieź viestak». 

Adkazvajučy na pytańnie viadučaha, kolki rasijan zahinuła ŭ vajnie ŭ paraŭnańni z Ukrainaj, Zialenski taksama zajaviŭ: «U ich 1 miljon 600 tysiač ahulnych strat i kala 700 tysiač zabitych».

Na pytańnie žurnalista, ci pieramahaje ciapier Ukraina, Zialenski adkazaŭ: «U realnaj situacyi na poli boju važna toje, što inicyjatyva nie znachodzicca ŭ rukach Rasii. My nie prajhrajom, i jany nie pieramahajuć».

Kamientary da artykuła