Łukašenka pra zarobki: Razdurvać sialan nielha
A pryvatnikam skazaŭ, što «treba dzialicca».
Fota: BiełTA
Łukašenka siońnia aznajomiŭsia ź dziejnaściu adnaho z vytvorčych filijałaŭ «Savuškavaha praduktu», raźmieščanych u Bresckim rajonie, a mienavita jaho sielskahaspadarčaha pradpryjemstva «Savuškaŭ-Pramień», piša BiełTA.
«Čamu ŭ ich tut ludzi dobra pracujuć? Bo im płaciać zarobak, — skazaŭ jon. — Jany (rabotniki) pracujuć za hrošy. Za narmalnyja hrošy».
Alaksandr Łukašenka taksama źviarnuŭ uvahu na svoječasovuju vypłatu zarobku.
«Nie škadujcie dla sialan. Razdurvać ich nielha, ale kali jany dajuć vynik, im treba płacić», — padkreśliŭ palityk.
«Ja z pavahaj staŭlusia da pryvatnych pradprymalnikaŭ i my budziem ich padtrymlivać, ale patrebny vynik. Jak ja im prosta i ščyra kažu: «Mužyki, treba dzialicca». Nie sa mnoj. Treba dzialicca z tymi, chto pobač z vami pracuje, chto pracuje na vas», — dadaŭ jon.
Čytajcie taksama:
Łukašenka absypaŭ uznaharodami rabotnikaŭ «Savuškava praduktu», jaki śviatkuje jubilej