Padletki zładzili fłet, pakul baćkoŭ nie było doma — skončyłasia kryminałkaj
U milicyju paskardziłasia minčanka. Jana raskazała, što ŭ dvary doma na vulicy Kachoŭskaj byŭ paškodžany aŭtamabil jaje muža.
Vyśvietliłasia, što da paškodžańnia majomaści datyčnaja 14‑hadovaja školnica, a adbyłosia voś što.
Pakul maci była na pracy, dziaŭčynka paklikała ŭ hości siabroŭ. Padletki vypili ałkahol, jaki pa ich prośbie nabyŭ u kramie starońni mužčyna.
Vyrašyŭšy «paviesialicca», kampanija pačała vykidvać z akna 11‑ha paviercha plaški z-pad ałkaholu. Adna z butelek, jakuju špurnuła školnica, upała na pryparkavany aŭtamabil i paškodziła jaho.
Momant padzieńnia adnoj z butelek zafiksavała videakamiera.
U dačynieńni da dziaŭčynki zaviedziena kryminalnaja sprava za chulihanstva.