Samaja maleńkaja niezaležnaja respublika ŭ śviecie źmianiła nazvu
Cichaakijanskaja astraŭnaja dziaržava Nauru źmianiła nazvu na Respubliku Naaera (Repubrikin Naoero).
Wikimedia Commons
Cichaakijanskaja astraŭnaja dziaržava Nauru źmianiła nazvu na Respubliku Naaera (Repubrikin Naoero). Zajava apublikavanaja na staroncy ŭrada krainy ŭ Facebook.
Raniej jana adklikała pryznańnie Abchazii i Paŭdniovaj Asiecii.
Naaera— maleńkaja vyspa ŭ Cichim akijanie za 42 km ad ekvatara. Jaje płošča ŭsiaho 21 kvadratny kiłamietr, a nasielnictva ŭsiaho 11 tysiač čałaviek.
Naaera źjaŭlajecca samaj maleńkaj niezaležnaj respublikaj na Ziamli, samaj maleńkaj astraŭnoj dziaržavaj i samaj maleńkaj dziaržavaj za miežami Jeŭropy. Siarod niezaležnych dziaržaŭ mienšuju płošču majuć tolki Manaka (2 kvadratnyja kiłamietry), ale heta kniastva, i Vatykan (0,44 kv, km), heta dziaržava-horad i teakratyčnaja manarchija.
Dziaržava nie maje aficyjnaj stalicy. Nieaficyjnaja stalica — horad Jaren, dzie znachodziacca parłamient i aeraport krainy. U Jarenie žyvie 747 čałaviek.
Pachodžańnie słova Naoero dakładna nie ŭstanoŭlena.