Drony ŭdaryli pa składach Wildberries i NPZ u Vałhahradzie
Z 18 lipienia Ukraina ŭžo atakavała 10 łahistyčnych terminałaŭ Wildberries.
U vyniku masiravanaj načnoj ataki bieśpiłotnikaŭ byli zafiksavanyja ŭzharańni na «składskich pamiaškańniach» u Dziaržynskim rajonie Vałhahrada, a taksama na pramysłovym pradpryjemstvie paliŭna-enierhietyčnaha kompleksu na poŭdni horada, paviedamiŭ hubiernatar Vałhahradskaj vobłaści Andrej Bačaroŭ.
Jon nie nazvaŭ, jakija mienavita pradpryjemstvy paciarpieli. U Dziaržynskim rajonie Vałhahrada viasnoj minułaha hoda pačaŭ pracu bujny łahistyčny centr kampanii Wildberries.
Da hetaha, pačynajučy z 18 lipienia, Ukraina ŭžo atakavała 10 łahistyčnych terminałaŭ Wildberries. Napiaredadni, 30 lipienia, maštabnyja pažary adbylisia na składach kampanii ŭ Pienzie i ŭdmurckim horadzie Sarapuł.