Łatuška paviedamiŭ polskaj prakuratury pra siem sprobaŭ viarboŭki

Namieśnik kiraŭnicy Abjadnanaha pierachodnaha kabinieta Pavieł Łatuška pieradaŭ u Akruhovuju prakuraturu ŭ Varšavie infarmacyju pra siem vypadkaŭ mierkavanych sprobaŭ viarboŭki pradstaŭnikoŭ frakcyi «Łatuška i Ruch «Za Svabodu» ŭ Kaardynacyjnaj Radzie, a taksama supracoŭnikaŭ jahonaha Narodnaha antykryzisnaha ŭpraŭleńnia (NAU).

Pavieł Łatuška. Fota: Marek Antoni Iwanczuk NurPhoto via Getty Images

Jak paviedamlaje Łatuška, hetyja materyjały dałučanyja da kryminalnaj spravy, raspačataj Akruhovaj prakuraturaj u Varšavie ŭ minułym hodzie. Akramia taho, pra zhadanyja vypadki byli prainfarmavanyja Ministerstva zamiežnych spraŭ i Ministerstva ŭnutranych spraŭ Polščy.

Pavieł Łatuška zaklikaŭ pradstaŭnikoŭ Kaardynacyjnaj Rady i inšych biełaruskich demakratyčnych struktur, jakija znachodziacca za miažoj, paviedamlać miascovym pravaachoŭnym orhanam pra lubyja sproby viarboŭki. Jon adznačyŭ, što ŭ Polščy takuju infarmacyju varta nakiroŭvać u Akruhovuju prakuraturu ŭ Varšavie ŭ miežach užo najaŭnaj kryminalnaj spravy, a ŭ inšych krainach — u prakuraturu pa miescy znachodžańnia.

Na dumku Łatuški, heta nieabchodna dla rasśledavańnia mahčymych złačynstvaŭ ekstraterytaryjalnaha charaktaru, jakija, pavodle jaho śćviardžeńnia, mohuć ździajśniacca pradstaŭnikami biełaruskaha režymu na terytoryi Polščy i inšych krain Jeŭrapiejskaha sajuza.

Kamientary da artykuła