Zialenski zajaviŭ pra krytyčny niedachop srodkaŭ supraćpavietranaj abarony
Prezident Ukrainy Uładzimir Zialenski paśla čarhovaj masiravanaj ataki Rasii zaklikaŭ zachodnich partnioraŭ paskoryć pastaŭki srodkaŭ supraćpavietranaj abarony i paviedamiŭ pra krytyčny niedachop rakiet-pierachopnikaŭ dla abarony ad balistyčnych udaraŭ.
Fota z telehram-kanała Uładzimira Zialenskaha
«Abarona ad rasijskaj rakietnaj pahrozy — heta najvažniejšaja zadača dla zachavańnia žyćciaŭ našych ludziej. Usie partniory viedajuć, jak i čym mohuć dapamahčy. Niesvoječasovaja dapamoha, zatrymki z pastaŭkami supraćbalistyčnych rakiet — mienavita heta pryvodzić da takich razbureńniaŭ i achviar», — zajaviŭ Zialenski ŭ svaim Telegram.
Pavodle jaho słoŭ, u noč na 30 lipienia pad udarami apynulisia Kijeŭ i Kijeŭskaja vobłaść, a taksama Dnieprapiatroŭskaja, Lvoŭskaja, Pałtaŭskaja, Charkaŭskaja, Mikałajeŭskaja, Sumskaja, Vińnickaja, Čarkaskaja i Ivana-Frankoŭskaja vobłaści.
Byli paškodžany dziasiatki žyłych damoŭ, pradpryjemstvy i abjekty infrastruktury. U Lvovie kolkaść paciarpiełych vyrasła da 30 čałaviek, byli paškodžany bolš za 20 žyłych damoŭ, škoła i dva dziciačyja sadki.
U pryharadzie Kryvoha Roha ŭ vyniku ŭdaru pa žyłym domie zahinuła ŭsia siamja — šeść čałaviek.
Čytajcie taksama:
Pramoje traplańnie «Iskandera» ŭ dom pad Kryvym Roham: šeść zahinułych, siarod ich dzieci