U Minsku za «sadziejničańnie ekstremisckaj dziejnaści» asudzili ajcišnika Bahdana
Minski haradski sud vynies prysud 28‑hadovamu minčuku Bahdanu Ciaciorkinu. Chłopca abvinavacili pavodle č. 1 art. 361‑4 Kryminalnaha kodeksa. Raskazvajem, što pra jaho viadoma.
Bahdan Ciaciorkin. Fota ź jaho staronki Ukantakcie
Bahdan Ciaciorkin naradziŭsia ŭ 1997 hodzie. Jon skončyŭ minskuju siaredniuju škołu № 13. Chłopiec pracuje prahramistam. U svaich sacsietkach pościć prahramisckija žarty, naprykład, zhadvaŭ, što pačaŭ razumieć movu S++ tolki paśla paŭhoda čytańnia śpiecyjalizavanaj litaratury.
U volny čas małady čałaviek zachaplaŭsia hulnioj u Counter-Strike, a siarod jaho muzyčnych pieravah — Lapisy, System Of A Down, Marilyn Manson i 30 Seconds To Mars.
Niadaŭna Bahdana asudzili ŭ Minskim haradskim sudzie pavodle častki 1 artykuła 361‑4 Kryminalnaha kodeksa Biełarusi, sadziejničańnie ekstremisckaj dziejnaści.
Jamu prysudzili chatniuju chimiju.