Rukasty minčuk zrobić prybiralniu jak u Šreka
Biełaruskija majstry mohuć zrabić praktyčna što zaŭhodna — navat kopiju znakamitaj prybiralni z multfilma «Šrek». Niezvyčajnuju abjavu zaŭvažyŭ karystalnik Threads wizardelioniks, piša Blizko.by.
— Najlepšaje, što ja siońnia bačyŭ na Kufar, — padpisaŭ skrynšot małady čałaviek.
Majstar ź Minska pa imieni Zachar Uładzimiravič prapanuje zrabić poŭnuju kopiju viaskovaj prybiralni ŭ styli tualeta hałoŭnaha hieroja multfilma «Šrek».
Kanstrukcyja davoli prostaja: draŭlanyja doški, biarvieńni i viaroŭka. Za takuju pabudovu majstar prosić 4 tysiačy rubloŭ.
Miem sa Šrekam, jaki vychodzić z prybiralni pad pieśniu All Star hurta Smash Mouth, staŭ masava papularnym u internecie ŭ 2016—2017 hadach, choć sama scena z aryhinalnaha multfilma źjaviłasia jašče ŭ 2001 hodzie.