«Choć kasoj kasi». Biełarusy znajšli ŭ lesie palanu, litaralna ŭsypanuju lisičkami VIDEA

U Biełarusi praciahvajecca hrybny siezon, i časam les doryć sapraŭdnyja siurpryzy. Tak zdaryłasia z hrupaj biełaruskich hrybnikoŭ, jakija niečakana znajšli vializnuju palanu, całkam pakrytuju lisičkami, piša Times.by.

Zdymak ilustracyjny. Fota: Meža labumi, TikTok

Sotni, a mahčyma i tysiačy maleńkich žoŭtych kapialušykaŭ litaralna vyściłali ziamlu, stvarajučy ŭražańnie, byccam heta nie hryby, a apałaje liście.

Aŭtar videa paetyčna paraŭnaŭ ubačanaje sa «šlejfam ad kamiety». Inšyja karystalniki nazvali takuju znachodku sapraŭdnaj ilustracyjaj vyrazu «choć kasoj kasi».

Videa ź niezvyčajnaj palanaj chutka razyšłosia ŭ tyktoku i za niekalki dzion nabrała amal try miljony prahladaŭ. Karystalniki aktyŭna sprabavali daviedacca, dzie znachodzicca hetaje miesca, ale aŭtar rolika tak i nie raskryŭ łakacyju.

Siarod kamientataraŭ byli takija, chto padzialiŭsia ŭłasnymi pośpiechami ŭ zbory hryboŭ. Na fota i videa ź inšych miescaŭ byli pakazanyja poŭnyja pakiety, viodry i navat skrynki ź lisičkami.

Ciapier pierad ščaślivymi hrybnikami staić užo inšaje pytańnie — što rabić z takoj kolkaściu hryboŭ: sušyć, zamarožvać, salić ci hatavać śviežyja stravy.

Kamientary da artykuła