U Minsku zatrymali kryminalnaha aŭtaryteta, jaki adbiraŭ kvatery ŭ minčan. Častka hrošaj išła ŭ rasijski abščak
U Minsku siłaviki zatrymali złodziejaŭ, jakaja zarablali na machinacyjach ź nieruchomaściu. Pavodle infarmacyi MUS, siarod šaści zatrymanych — adzin ź lidaraŭ kryminalnaha śvietu Biełarusi, a taksama supracoŭnik adnaho sa staličnych ahienctvaŭ nieruchomaści.
Afierysty šukali ŭ stalicy ludziej z daŭhami pa kamunałcy. Uvajšoŭšy ŭ davier da ŭłaśnikaŭ, ich pierakonvali pradać kvateru i pierajechać u bolš tanny pakoj, abiacajučy vypłacić roźnicu ŭ košcie. Nasamreč košt staličnaha žytła pry afarmleńni štučna zanižali, a novaha — zavyšali.
Častku dzialili pamiž saboj, a častku adpraŭlali ŭ Rasiju dla papaŭnieńnia tak zvanaha złodziejskaha abščaka.
MUS paviedamiła, što śledčyja šukajuć inšych mahčymych udzielnikaŭ schiemy i paciarpiełych ad dziejańniaŭ hrupoŭki.