Vydaviectva Gutenberg anansuje irłandskuju navinku dla dziaciej
Vydaviectva Gutenberg anansavała vychad knihi dla dziaciej irłandskaha piśmieńnika i mastaka Pedzi Doneli «Lis&Syn Chvastary». Pierakład z anhielskaj na biełaruskuju movu ździejśniła Kasia Tyškievič pad redakcyjaj Andreja Skurko, piša bellit.info.
Historyja apaviadaje pra niezvyčajnuju siamju Lisaŭ. Z daŭnich časoŭ, ad baćki da syna, pieradajuć jany majsterstva rabić chvasty. Trymajucca kłasičnych mierak i robiać svaju spravu sumlenna. Ale zdajecca, niechta tut znudziŭsia ad zališniaj pravilnaści i znajšoŭ svoj šlach da sercaŭ susiedziaŭ.
Raniej vydaviectva anansavała vychad knihi dla padletkaŭ nihieryjska-irłandskaj televiadoŭcy, reparciorki i piśmieńnicy Zejnab Boładeł «Ja zaplataju kosy», a taksama dziciačaj knihi irłandskaj aŭtarki Eryki Makhan «Tabita Plimtak žyvie na samym krai śvietu».