U Biełarusi stali arhanizoŭvać mienš školnych kirmašoŭ
Ministerstva antymanapolnaha rehulavańnia i handlu paviedamiła, što ŭ Biełarusi praciahvaje skaračacca kolkaść školnych kirmašoŭ, jakija tradycyjna pravodziacca pierad pačatkam navučalnaha hoda, piša BiełTA.
Zdymak ilustracyjny
Jak adznačyła namieśnica načalnika adździeła mietadałohii ŭpraŭleńnia arhanizacyi handlu i hramadskaha charčavańnia MARH Kaciaryna Makucienia, takaja tendencyja nazirajecca ŭžo niekalki hadoŭ. Asnoŭnaja pryčyna — pastupovy pierachod pakupnikoŭ da anłajn-handlu.
Razam z tym prodaž tavaraŭ dla školnikaŭ užo startavaŭ u siaredzinie lipienia i praciahniecca amal da kanca vieraśnia. Nabyć školnaje adzieńnie, abutak, kancylarskija tavary i inšyja nieabchodnyja rečy možna va ŭniviermahach, hipiermarkietach i firmovych kramach biełaruskich vytvorcaŭ.
U mnohich handlovych abjektach arhanizavanyja dadatkovyja miescy prodažu, aformlenyja śpiecyjalnyja kutki dla pieršakłaśnikaŭ i školnikaŭ. Amal u kožnaj bujnoj kramie pracujuć asobnyja siekcyi z kancylarskimi tavarami.
Pavodle apieratyŭnych źviestak abłvykankamaŭ i Minharvykankama, u 2026 hodzie pa ŭsioj krainie płanujecca pravieści kala 250 školnych kirmašoŭ, kirmašoŭ vychadnoha dnia i vystaŭ-prodažaŭ.
Čytajcie taksama:
U Breście školnik pasprabavaŭ paŭtaryć futbolny truk, ale apynuŭsia ŭ balnicy
Na Słonimščynie školniki znajšli 500 artefaktaŭ i manietu XVII stahodździa