Varažbitcy z Bychava, što abuła davierlivych ludziej na 150 tysiač rubloŭ, vynieśli surovy prysud
Žančyna śpiecyjalizavałasia na zdymańni psuty i vianca biasšlubnaści. Achviarami machlarki stali piać čałaviek.
Ilustracyjnaje fota
Žančyna dziejničała takim čynam dzieviać miesiacaŭ. Jana vydumlała najaŭnaść u achviar «vianca biasšlubnaści» abo psuty, pravodziła fiktyŭnyja abrady i davała iłžyvyja abiacańni dapamahčy ź viartańniem daŭhoŭ, piša BiełTA.
Achviarami machlarki stali piać čałaviek. Adna z paciarpiełych nastolki pavieryła ŭ «dar» abvinavačanaj, što addała joj usie svaje źbieražeńni, pradała kvateru, uziała kredyty i zakłała zołata ŭ łambard. Ahulnaja škoda ad dziejańniaŭ złamyśnicy pieravysiła 150 tysiač rubloŭ.
Sud Bychaŭskaha rajona pryznaŭ žančynu vinavataj u ździajśnieńni złačynstva, praduhledžanaha č. 4 art. 209 Kryminalnaha kodeksa.
Joj dali šeść hadoŭ pazbaŭleńnia voli z adbyvańniem pakarańnia ŭ papraŭčaj kałonii ahulnaha režymu, a taksama štraf 200 bazavych vieličyń (9000 rubloŭ)
Žančyva svajoj viny nie pryznała i abskardziła prysud, ale apielacyja była pakinutaja biez zadavalnieńnia, prysud ustupiŭ u zakonnuju siłu.