Prachadny bał — 395, konkurs — 13 čałaviek na miesca. U Minadukacyi padviali vyniki zaličeńnia na biudžet
Zaličeńnie na biudžetnyja miescy va ŭstanovy vyšejšaj adukacyi krainy prajšło ŭ płanavym rabočym režymie, i kiraŭnictva zadavolenaje vynikami. Pra heta žurnalistam paviedamiŭ pieršy namieśnik ministra adukacyi Alaksandr Bachanovič, piša BiełTA.
Fota: Onliner.by
Na biudžetnyja miescy sioleta zaličana amal 32 tysiačy abituryjentaŭ, jakija ŭžo stali studentami pieršaha kursa. Usie płanavyja pakazčyki vykananyja ŭ poŭnym abjomie.
Siaredni konkurs pa krainie skłaŭ 1,7 čałavieka na miesca. Na płanavyja 32 tysiačy miescaŭ było padadziena kala 54,3 tysiačy zajaŭ.
Ź ich 5,3 tysiačy čałaviek byli zaličanyja biez ustupnych vyprabavańniaŭ i pa-za konkursam. Heta pieramožcy mižnarodnych i respublikanskich alimpijad, vypuskniki škoł z załatymi i siarebranymi miedalami, uładalniki dypłomaŭ z adznakaj paśla zakančeńnia kaledžaŭ.
Na asobnyja śpiecyjalnaści jon dasiahaŭ amal 13 čałaviek na miesca.
U BDU na śpiecyjalnaść «Hrafičny dyzajn i multymiedyjadyzajn» konkurs skłaŭ 13 čałaviek na miesca. Na šerah inšych śpiecyjalnaściej konkurs dasiahaŭ 7—8 čałaviek na miesca.