Punkt «Kuźnica» na polska-biełaruskaj miažy padklučyli da novaj chutkasnaj darohi
Z 27 lipienia polski punkt propusku «Kuźnica» aficyjna złučany z novaj čatyrochpałosnaj darohaj u napramku Biełastoka. Ciapier padjezd da miažy staŭ značna zručniejšym, paviedamlaje kanał «Miaža Polšča — Biełaruś».
Čarha na ŭjezd na miažu na novaj trasie. Fota: BYgranica
Na hety momant pabudavana 15,8 km sučasnaj darohi ad KPP «Kuźnica» da raźviazki Sakułka. Dalej, ad Sakułki da Biełastoka, ruch pakul ažyćciaŭlajecca pa isnujučaj staroj darozie. Budaŭnictva ŭsioj trasy praciahvajecca i zavieršycca ŭ 2028—2029 hadach.
Na miescy absłuhoŭvańnia padarožnikaŭ (MOP Wojnowce) u bližejšyja miesiacy zapracuje sistema bufiernaha čakańnia transpartu pierad miažoj.
Tut padrychtavana:
- bolš za 800 miescaŭ dla hruzavych aŭtamabilaŭ;
- 40 miescaŭ dla transpartu ź niebiaśpiečnymi hruzami;
- 210 miescaŭ dla lehkavych aŭtamabilaŭ;
- 10 miescaŭ dla aŭtobusaŭ.
Padklučeńnie KPP da novaj trasy značna palapšaje transpartnuju infrastrukturu na polskim baku miažy. Paśla adkryćcia ruchu praz punkt propusku «Bruzhi — Kuźnica» maršrut budzie hatovy da pryjomu hruzavoha i aŭtobusnaha transpartu.