19 čałaviek paciarpieli pry ŭdary bieśpiłotnika pa aŭtobusie ŭ Biełharadskaj vobłaści
15 čałaviek atrymali askołačnyja ranieńni.
U vyniku ŭdaru bieśpiłotnika pa aŭtobusie ŭ Šabiekinie paciarpieli 19 čałaviek, paviedamiŭ v.a. hubiernatara Biełharadskaj vobłaści Alaksandr Šuvajeŭ.
Pavodle jaho słoŭ, 15 čałaviek atrymali askołačnyja ranieńni, jašče ŭ traich, pavodle papiarednich danych, dyjahnastavanyja kantuzii. Jak adznačyŭ Šuvajeŭ, šaściora paciarpiełych znachodziacca ŭ ciažkim stanie.
Akramia aŭtobusa, na miescy ataki byli paškodžanyja hruzavik i lehkavy aŭtamabil, dadaŭ vykonvajučy abaviazki hubiernatara.
Ukrainskija ŭłady ŭdary bieśpiłotnikaŭ pa Biełharodskaj vobłaści nie kamientavali.