19 чалавек пацярпелі пры ўдары беспілотніка па аўтобусе ў Белгарадскай вобласці
15 чалавек атрымалі асколачныя раненні.
У выніку ўдару беспілотніка па аўтобусе ў Шабекіне пацярпелі 19 чалавек, паведаміў в.а. губернатара Белгарадскай вобласці Аляксандр Шуваеў.
Паводле яго слоў, 15 чалавек атрымалі асколачныя раненні, яшчэ ў траіх, паводле папярэдніх даных, дыягнаставаныя кантузіі. Як адзначыў Шуваеў, шасцёра пацярпелых знаходзяцца ў цяжкім стане.
Акрамя аўтобуса, на месцы атакі былі пашкоджаныя грузавік і легкавы аўтамабіль, дадаў выконваючы абавязкі губернатара.
Украінскія ўлады ўдары беспілотнікаў па Белгародскай вобласці не каментавалі.