Na BiełAES šukajuć rabotnika z zarobkam bolš za 10 tysiač rubloŭ
Na Biełaruskaj atamnaj elektrastancyi źjaviłasia adna z samych vysokaapłatnych vakansij u krainie — tam šukajuć namieśnika hałoŭnaha inžyniera pa elektratechničnym zabieśpiačeńni AES, piša Office Life.
Zdymak ilustracyjny. Fota: «Naša Niva»
Pavodle infarmacyi z bazy danych słužby zaniataści Biełarusi, budučamu supracoŭniku hatovy płacić ad 7,9 tysiačy da 10,3 tysiačy rubloŭ u miesiac. Heta samaja vysokaapłatnaja prapanova siarod amal sta adkrytych vakansij na BiełAES.
Akramia vysokaha zarobku, rabotniku abiacajuć dać kvateru ŭ ahraharadku Varniany Astravieckaha rajona.
Na hetuju pasadu ŭ pieršuju čarhu razhladajuć śpiecyjalistaŭ z vyšejšaj adukacyjaj pa napramkach, źviazanych z enierhietykaj, aŭtamatyzacyjaj, ekałahičnaj biaśpiekaj, abaronaj ad nadzvyčajnych situacyj, a taksama fizikaj, u tym liku jadziernaj fizikaj i technałohijami.
Ad kandydata patrabujecca nie mienš za piać hadoŭ dośviedu pracy na kiraŭničych pasadach u enierhietyčnaj śfiery.
U abjavie taksama adznačajecca, što pryznačeńnie na hetuju pasadu mahčymaje tolki paśla atrymańnia adpaviednaj licenzii Dziaržatamnahladu.
Čytajcie taksama:
Enierhabłok №2 Biełaruskaj AES znoŭ adklučany ad sietki
U Biełarusi vyznačyli try placoŭki dla mohilnika radyjoaktyŭnych adkidaŭ
Nazvali abłasny centr Biełarusi z samym vysokim uzroŭniem radyjacyi