MTS mianiaje košt svaich pasłuh
Biełaruski mabilny apieratar MTS paviedamiŭ pra źmianieńnie cenaŭ na niekatoryja svaje pasłuhi. Novyja taryfy pačnuć dziejničać z 3 žniŭnia.
Fota: Lookby.media
Źmieny zakranuć mižnarodnuju suviaź i pasłuhi fiksavanaha internetu. Dla bolšaści abanientaŭ MTS zvanki ŭ Rasiju na numary abanientaŭ hetaha ž apieratara buduć kaštavać 1,33 rubla za chvilinu. Vyklučeńnie zrobiać dla niekatorych karparatyŭnych taryfaŭ, a taksama taryfnych płanaŭ «Haściavy», «Haściavy 30», «Piersona» i «Absalut».
Zvanki ź Biełarusi na numary inšych rasijskich mabilnych apierataraŭ buduć kaštavać 1,64 rubla. Zvanki ŭ krainy Jeŭrapiejskaha sajuza padaražejuć da 2,78 rubla.
U kampanii adznačyli, što abanienty zahadzia atrymajuć SMS-paviedamleńni ź infarmacyjaj pra budučyja źmieny. Poŭny pieralik novych koštaŭ MTS raźmieścić na svaim sajcie.