Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč
U prapahandysckich kanałach źviarnuli ŭvahu na hadzińnik Paŭła Łatuški. Śćviardžajecca, što ŭ jaho na ruce hadzińnik Zenith za $13 tysiač. Ale heta, naturalna, chłuśnia — inšy brend, navat inšyja kolery.
Nasamreč na ruce Łatuški hadzińnik francuzskaj marki Oxygen z kabrendynham Peugeot — takija rabilisia ŭ kalekcyi ŭ styli «Legend»/Sport Vintage.
Na hetym kvarcavym hadzińniku try małyja cyfierbłaty, jany pakazvajuć dzień tydnia, datu i 24‑hadzinnuju strełku.
Novyja takija Oxygen x Peugeot pradavalisia prykładna za €150-190. Na druhasnym rynku hadzińniki pradajucca za € 40‑100 u zaležnaści ad stanu i kamplekta.
Heta masavy kvarcavy hadzińnik, kalekcyjnaj premii ŭ jaho niama. U ciapierašnim katałohu Peugeot hetaj madeli ŭžo niama, zastałasia tolki inšaja liniejka.
Jak patłumačyli ŭ pres-słužbie Paŭła Łatuški, hety hadzińnik padaryli palityku ŭ Paryžy. U 2014 hodzie jon u jakaści pasła Biełarusi ŭ Francyi ŭdzielničaŭ u padpisańni pahadnieńnia ab zborcy aŭtamabilaŭ «Piežo» na zavodzie «Junison». Takuju samuju madel padaryli ŭsim členam biełaruskaj delehacyi.
Hadzińnik Paŭła Łatuški