U Vaŭkavyskim rajonie pažarniki ŭratavali pole z harocham
U Vaŭkavyskim rajonie supracoŭniki MNS likvidavali pažar zbožžaŭboračnaha kambajna i nie dapuścili raspaŭsiudžvańnia ahniu na bolšuju častku pola z harocham, paviedamlaje Upraŭleńnie MNS pa Hrodzienskaj vobłaści.
Zdymak ilustracyjny
Paviedamleńnie pra ŭzharańnie kala vioski Mścibava pastupiła ŭ słužbu vyratavańnia 26 lipienia kala 15:03. Kali ratavalniki prybyli na miesca, kambajn užo byŭ całkam achopleny połymiem. Akramia taho, hareŭ haroch na płoščy kala dvuch hiektaraŭ.
Da pryjezdu pažarnikaŭ rabotniki haspadarki sprabavali samastojna spynić raspaŭsiudžvańnie ahniu, ale zrabić heta nie zmahli.
Supracoŭniki MNS apieratyŭna patušyli pažar. Udałosia abaranić ad ahniu jašče 88 hiektaraŭ harochu, jaki zastavaŭsia na korani.
U likvidacyi pažaru byli zadziejničany čatyry adzinki pažarnaj techniki.