Imieniem Trampa nazavuć darohu ŭ Zachodniaj Sachary

Prezident ZŠA Donald Tramp zajaviŭ, što novaja aŭtamahistral u Zachodniaj Sachary budzie nasić jaho imia. Pra heta jon paviedamiŭ u svajoj sacyjalnaj sietcy, adznačyŭšy, što takoje rašeńnie nibyta pryniali ŭłady Maroka ŭ znak udziačnaści za pryznańnie Złučanymi Štatami ŭ 2020 hodzie suvierenitetu Maroka nad sprečnaj terytoryjaj Zachodniaj Sachary.

Donald Tramp. Fota: Win McNamee/Getty Images

Pa słovach Trampa, havorka idzie pra novuju aŭtadarohu koštam kala adnaho miljarda dalaraŭ, jakaja złučaje harady Dachła i Tyźnit. Jon taksama apublikavaŭ videarolik z kadrami pustyni i ŭčastkaŭ trasy. U roliku śćviardžajecca, što heta adna z samych praciahłych daroh u Afrycy, jakaja prachodzić uzdoŭž atłantyčnaha ŭźbiarežža i stanie častkaj bujnoj transpartnaj sietki, što złučyć krainy Zachodniaj Afryki praz Maroka ź Mižziemnamorjem.

Trump:

Thank you to Highly Respected Mohammed VI, the King of Morocco — Such a Great Honor!

I look forward to traveling the entire length of this Great Highway someday, hopefully soon!pic.twitter.com/wZNfn79HaP

— Clash Report (@clashreport) July 26, 2026

Tramp padziakavaŭ karalu Maroka Machamiedu VI za takuju, pavodle jaho słoŭ, vialikuju pašanu i zajaviŭ, što spadziajecca ŭ chutkim časie asabista prajechać pa hetaj aŭtamahistrali.

Pry hetym aficyjnaha paćviardžeńnia ad uładaŭ Maroka adnosna prysvajeńnia trasie imia Donalda Trampa na momant publikacyi nie było.

Raniej imia Donalda Trampa atrymaŭ mižnarodny aeraport u amierykanskim horadzie Pałm-Bič. 

Kamientary da artykuła