Akcior Rajan Hoślinh dałučycca da suśvietu Marvel
Jon syhraje Pryvidnaha honščyka.
Rajan Hoślinh. Fota: Evan Agostini / Invision / AP, File
Akcior Rajan Hoślinh narešcie dałučycca da suśvietu Marvel.
Jon syhraje Pryvidnaha honščyka (Ghost Rider) u novym filmie. Režysioram stužki stanie Šon Levi, a reliz zapłanavany na 2028 hod, paviedamlaje Variety.
Pryvidnaha honščyka mnohija pamiatajuć u vykanańni Nikałasa Kiejdža, jaki zdymaŭsia ŭ vobrazie pałajučaha bajkiera ŭ dvuch filmach kampanii Sony.
U komiksach i ŭ filmie pra Pryvidnaha honščyka hałoŭny hieroj bajkier Džoni Błejz pradaje dušu djabłu, kab vylečyć baćku ad raku. Jak i ŭ lubym pahadnieńni z djabłam, baćku vylečvajuć, ale toj usio adno hinie paźniej. Paśla hetaha Džoni stanovicca źviazanym z zvyšnaturalnym demanam i nabyvaje zdolnaść pieratvaracca ŭ pałajučaha škileta-bajkiera. Jon taksama vałodaje supiersiłaj i zdolny prymusić čałavieka adčuć uvieś emacyjny bol, jaki toj pryčyniŭ inšym.
Paśla filmaŭ Sony ŭ 2007 i 2011 hadach pravy na Pryvidnaha honščyka viarnulisia da Marvel Studios, jakaja pieraasensavała piersanaža dla telesieryjała ABC «Ahienty S.H.I.E.L.D.».