Na Hrodzienščynie vajskovyja kamisary adpravilisia vučyć sialan źbirać uradžaj

Jak paviedamlaje pres-słužba Ministerstva abarony, vajskovyja kamisary Hrodzienskaj vobłaści naviedali sielskahaspadarčyja pradpryjemstvy ŭ Hrodzienskim, Voranaŭskim, Zelvienskim, Lidskim i Bierastavickim rajonach, kab aznajomicca z chodam uborki ŭradžaju.

Padčas pajezdak aficery, jak paviedamlajecca, sustrelisia z kiraŭnikami haspadarak i pracoŭnymi kalektyvami, a taksama vyjechali na pali, dzie aznajomilisia z arhanizacyjaj i chodam žniva.

Takaja niečakanaja zacikaŭlenaść sielskaj haspadarkaj u vajskoŭcaŭ źjaviłasia paśla daručeńnia Alaksandra Łukašenki, dadzienaha padčas sielektarnaj narady, pryśviečanaj uboračnaj kampanii. Tady jon rasparadziŭsia adpraŭlać u armiju ŭsich, chto nie ŭmieje pracavać padčas žniva. 

Atrymaŭšy heta daručeńnie, paśla narady ź ministram abarony i ŭdakładnieńnia pastaŭlenych zadač pradstaŭniki vajskovych kamisaryjataŭ roznych rehijonaŭ krainy prystupili da ich vykanańnia. Vierahodna, tolki jany svaim daśviedčanym vokam mohuć na miescy vyznačyć, chto spraŭlajecca z uborkaj na vydatna i tak, a kaho treba hetamu padvučycca na vajskovych zborach.

Kamientary da artykuła