DAI na vychadnyja ŭzmacniła patrulavańnie Brasłaŭščyny

U Brasłaŭskim rajonie na vychadnych uzmacnili kantrol na darohach z-za praviadzieńnia bujnoha muzyčnaha fiestyvalu Viva Braslav. Tudy nakiravali dadatkovyja ekipažy DPS, u tym liku supracoŭnikaŭ Dziaržaŭtainśpiekcyi ź Minskaj i Hrodzienskaj abłaściej, paviedamiła pres-słužba MUS.

Skrynšot ź videa

Padčas mierapryjemstva buduć vykarystoŭvacca roznyja srodki kantrolu: motapatruli, bieśpiłotniki, śpiecpadraździaleńnie «Strała», a taksama aŭtamabili bieź śpiecyjalnaj afarboŭki.

Asablivuju ŭvahu inśpiektary buduć źviartać na najbolš niebiaśpiečnyja parušeńni: kiravańnie transpartam u stanie ałkaholnaha apjanieńnia, pieravyšeńnie chutkaści, niebiaśpiečnyja abhony, ihnaravańnie ramianioŭ biaśpieki, adsutnaść motašlemaŭ u matacyklistaŭ i niapravilnuju pieravozku dziaciej.

U DAI adznačajuć, što ŭzmocnienyja miery pavinny dapamahčy pavysić biaśpieku na darohach u pieryjad vialikaj kolkaści naviedvalnikaŭ fiestyvalu Viva Braslav.

Kamientary da artykuła