Na ŭschodnich Karybach vyrašyli mianiać Lizavietu II na hrašach nie na Karła III

Uschodnie-Karybski centralny bank pradstaviŭ sieryju dalaravych banknot z abnoŭlenym dyzajnam, piša Myfin.by.

Fota: www.eccb-centralbank.org

Havorka idzie pra ŭschodniekarybski dalar — hrašovuju adzinku siami členaŭ Arhanizacyi Uschodnie-karybskich dziaržaŭ (Antyhua i Barbuda, Daminika, Hranada, Mantsierat, Sient-Kits i Nievis, Sient-Lusija i Sient-Vinsient i Hrenadziny) i adnaho asacyjavanaha člena (Anhilja).

Paśla śmierci ŭ 2022 hodzie brytanskaj karalevy Lizaviety II było vyrašana źmianić afarmleńnie piaredniaha boku kupiur uschodniekarybskaha dalara, pastaviŭšy na ich partrety miascovych vydatnych dziejačaŭ, a nie novaha karala Karła III.

Naprykład, na 100 dalarach buduć pradstaŭlenyja partrety byłoha premjera Sient-Lusii Džona Komptana i ekanamista, nobieleŭskaha łaŭreata Artura Ljuisa, jaki rodam taksama z hetaj krainy.

A na 5‑dalaravaj kupiury pastaviać hranadskaha lohkaatleta i alimpijskaha čempijona Kirani Džejmsa, a taksama byłaha premjer-ministra Sient-Vinsienta i Hrenadzin Robierta Miłtana Kata.

Uvod novych banknot u abaračeńnie zapłanavany na 2027 hod. Istotnych źmien u afarmleńni advarotnych bakoŭ kupiur nie čakajecca.

Na piarednim baku banknot, jakija znachodziacca ŭ abaračeńni zaraz, adlustravanaja karaleva Lizavieta II.

Kamientary da artykuła