U Batumi trapiŭ u avaryju mikraaŭtobus ź biełarusami. Dva čałavieki zahinuli
Ad mocnaha ŭdaru mikraaŭtobus pierakuliŭsia.
DTZ adbyłosia siońnia ranicaj na skryžavańni vulic Harhiładze i Važa-Pšavieła, piša Tbilisi Life.
U vyniku sutyknieńnia mikraaŭtobusa i lehkavoha aŭtamabila zahinuli dva čałavieki, jašče siem atrymali traŭmy.
Ad mocnaha ŭdaru mikraaŭtobus pierakuliŭsia, a lehkavik reznuŭsia ŭ ścianu budynka Batumskaha ŭniviersiteta mastactvaŭ. U mikraaŭtobusie znachodziłasia turystyčnaja hrupa — hramadzianie Biełarusi. Abodva zahinułych byli zamiežnikami.
Paciarpiełych dastavili ŭ roznyja kliniki Batumi.