У Батумі трапіў у аварыю мікрааўтобус з беларусамі. Два чалавекі загінулі
Ад моцнага ўдару мікрааўтобус перакуліўся.
ДТЗ адбылося сёння раніцай на скрыжаванні вуліц Гаргіладзэ і Важа-Пшавела, піша Tbilisi Life.
У выніку сутыкнення мікрааўтобуса і легкавога аўтамабіля загінулі два чалавекі, яшчэ сем атрымалі траўмы.
Ад моцнага ўдару мікрааўтобус перакуліўся, а легкавік рэзнуўся ў сцяну будынка Батумскага ўніверсітэта мастацтваў. У мікрааўтобусе знаходзілася турыстычная група — грамадзяне Беларусі. Абодва загінулых былі замежнікамі.
Пацярпелых даставілі ў розныя клінікі Батумі.