27‑hadovaha teściroŭščyka z Kobryna asudzili za «sadziejničańnie ekstremisckaj dziejnaści» pa viartańni z Polščy

Vadzim Bahdanaŭ papracavaŭ taksistam, a paśla pierajšoŭ u śfieru IT.

Vadzim Bahdanaŭ. Fota ź jahonaj staronki Ukantakcie

Vadzim Bahdanaŭ naradziŭsia ŭ 1999 hodzie na Brestčynie, u vioscy Teŭli na Kobrynščynie. Paśla žyŭ u Kobrynie.

Pa skančeńni škoły pajšoŭ u kaledž na manciora puci. Paśla atrymaŭ dypłom bakałaŭra techniki i technałohii pa kirunku naziemnych transpartnych sistem.

Niekatory čas Bahdanaŭ pracavaŭ u Rasii taksistam. Ale, miarkujučy pa abjavach pra pošuk pracy, paśla pierajšoŭ u IT-śfieru i pačaŭ pracavać teściroŭščykam prahramnaha zabieśpiačeńnia. Miarkujučy pa jaho sacsietkach, u 2024 hodzie jon pierajechaŭ u Polšču. Apošnija paviedamleńni pra jaho znachodžańnie ŭ Polščy datujucca druhoj pałovaj 2025 hoda.

Vadzim Bahdanaŭ

Jaho zatrymali naprykancy minułaha hoda pa viartańni z-za miažy i źmiaścili ŭ SIZA. Brescki abłasny sud vynies Vadzimu Bahdanavu prysud pavodle častak 1 i 2 artykuła 361‑4 Kryminalnaha kodeksa Biełarusi, sadziejničańnie ekstremisckaj dziejnaści.

Padobna, što chłopcu prysudzili kałoniju — anłajn jon tak i nie vyjšaŭ.

Kamientary da artykuła