U paciarpiełym ad pažaru domie na vulicy Lenina ŭ Minsku pačali adnaŭlać asnoŭny dach

U domie na vulicy Lenina, 9 u Minsku, jaki niadaŭna surjozna paciarpieŭ u vyniku pažaru, pačalisia raboty pa adnaŭleńni asnoŭnaha dachu. Budaŭniki ŭžo vykanali šerah klučavych etapaŭ, piša BiełTA.

Fota: BiełTA

Na siońniašni dzień zavieršanaja ŭkładka maŭerłata, ustalavany lažak i častkova sabranaja krokviennaja sistema. Časovy dach demantujecca pastupova, adnačasova z mantažom novych krokvaŭ, što dazvalaje minimizavać ryzyku praciakańniaŭ.

Novy dach budzie vykanany z falcavaha mietaličnaha pakryćcia. Akramia taho, na ŭsim haryščy ŭžo zavieršanyja raboty pa ŭładkavańni paraizalacyi.

Z boku vulicy Lenina budaŭničyja raboty vykananyja prykładna na 70 pracentaŭ. Praciahvajecca adnaŭleńnie i z boku dvara.

Pastupova adnaŭlajucca i inžyniernyja sietki. Na hety momant elektrazabieśpiačeńnie ŭžo adnoŭlena ŭ 56 z 80 kvater doma. Budaŭničyja i adnaŭlenčyja raboty praciahvajucca.

Pažar u hetym domie ŭspychnuŭ uviečary 28 červienia na mansardnym paviersie i chutka raspaŭsiudziŭsia, paškodziŭšy pamiaškańni. U vyniku byli źniščanyja i paškodžanyja majomaść dziaržaŭnych orhanaŭ, a taksama fizičnych i jurydyčnych asob. Papiarednie pamier škody aceńvajecca nie mienš jak u 450 tysiač rubloŭ.

Kamientary da artykuła