Aleksijevič praspansavała saročku dla biełaruskaha etničnaha fotaprajekta
Byłaja palitźniavolenaja žurnalistka Łarysa Ščyrakova raskazała ŭ fejsbuku, jak niečakana atrymała padtrymku ad nobieleŭskaj łaŭreatki pa litaratury Śviatłany Aleksijevič dla svajho fotaprajekta «Etnafotasety».
Łarysa Ščyrakova z saročkaj, kuplenaj na hrošy Śviatłany Aleksijevič
«Padčas intervju Śviatłanie Aleksijevič ja, miž inšym, raskazała pra svoj fotaprajekt «Etnafotasety». Spadarynia Śviatłana niečakana dastała 100 jeŭra i skazała:
— Kupicie dla vašaha prajekta pryhožuju aŭtentyčnuju saročku.
Skazana — zroblena. Siońnia hetaja cudoŭnaja aŭtentyčnaja saročka ŭžo papoŭniła kalekcyju.
Dla mianie heta nie prosta kaštoŭnaje nabyćcio, ale i vielmi darahi znak padtrymki ad nobieleŭskaj łaŭreatki. Ščyry dziakuj, darahaja spadarynia Śviatłana, za Vašu dapamohu, davier i ŭvahu da majho prajekta», — napisała Łarysa Ščyrakova.
Čytajcie taksama:
Dva biełaruskija nobieleŭskija łaŭreaty sustrelisia ŭ Varšavie FOTAFAKT