Padletkaŭ, jakija vučacca ŭ Polščy, pačali vyklikać na razmovy ŭ KDB
Supracoŭnikaŭ cikavić infarmacyja pra navučalnyja ŭstanovy, płany na budučyniu, vybar śpiecyjalnaści i koła znajomych u Polščy.
U Biełarusi studentaŭ, jakija vučacca ŭ Polščy abo afarmlajuć dakumienty dla vyjezdu na navučańnie, pačali vyklikać na razmovy ŭ KDB, piša «Viasna».
Razmovy pravodziać u tym liku ź niepaŭnaletnimi, ale ŭ prysutnaści baćkoŭ. Supracoŭnikaŭ cikavić infarmacyja pra navučalnyja ŭstanovy (košt navučańnia, pryčyny biaspłatnych miescaŭ dla zamiežnikaŭ), płany na budučyniu, vybar śpiecyjalnaści i koła znajomych u Polščy.
Asobnaja ŭvaha nadajecca kantaktam ź inšymi biełarusami. Padčas sustreč mohuć pytacca pra adnahrupnikaŭ, adnakłaśnikaŭ, telehram-čaty, proźviščy, numary telefonaŭ i ludziej, jakija znachodziacca za miažoj.
Taksama supracoŭniki mohuć prahladać abo fatahrafavać źmiest telefona i Telegram. Pry hetym razmaŭlajuć jany bieź cisku, paviedamlaje «Viasna».